Utdanningskvalitet

Ei av hovudmålsetjingane til musikkhøgskolen er å tilby utdanning av framifrå internasjonal kvalitet. Det vil mellom anna sei ei utdanning basert på det fremste innan kunstnarleg utviklingsarbeid, forsking og erfaringskunnskap. Det vert lagt vekt på høg kvalitet i alle ledd, dvs. at dei beste studentane vert rekruttert, at studie- og læringsmiljøet er fagleg utfordrande, men støttande, at undervisning og rettleiing har høg fagleg og pedagogisk kvalitet, studieprogramma er yrkesrelevante og framtidsretta, og at resultata av utdanningsverksemda er av høg internasjonal standard.

Kva er ei utdanning av høg kvalitet?

Det kan vera mange ulike element som påverkar opplevinga av kvalitet. Her har me sett opp nokre kriterie for kva god kvalitet kan handla om:

• at studentane opplever studiet som meiningsfullt
• at undervisning og rettleiing er av høg kvalitet, fagleg og pedagogisk
• at studentane får rettleiing og hjelp når dei treng det
• at studentane har eit godt læringsmiljø
• at dei administrative rutinane er gode
• at studentane legg ned den arbeidsinnsatsen ein kan venta av dei i studiet, og at dei tek ansvar for sin eigen studiesituasjon
• at det er ein respektfull dialog mellom studentar, lærarar og administrativt tilsette

Norges musikkhøgskole har vedtatt eit system for sikring og utvikling av utdanningskvalitet. Dette kan du lese meir om her.

Førstekonsulent Ellen M. Stabell er kvalitetskoordinator ved NMH.