Publisert: 15. January 2009
Trondheim Symfoniorkester har etter prøvespill plukka ut sju unge talentar til å spele på konserten ”Morgendagens mestre” torsdag 5. februar. Alle sju er studentar eller tidlegare studentar ved Noregs musikkhøgskole.
 Ellen Nisbeth og Sara Övinge er to av studentane som skal spele med Trondheim Symfoniorkester 5. februar. Foto: NRK. |
På programmet står verk av Mozart, Gounod, Britten, Liszt og Nielsen. Dirigent er Robin O’Neill.
Dei sju solistane er
Sara Övinge, fiolin og Ellen Nisbeth, bratsj
Sara P. Eriksson, mezzosopran
Camilla Kjøll, fiolin
Hanne Skjelbred, bratsj
Heming Valebjørg, slagverk
Stefan Ibsen Zlatanos, klaver
- Høgt nivå
- Noreg har ein stor tilvekst av unge musikktalentar. Trondheim Symfoniorkester har lang tradisjon for å sleppe til unge talentar. Her er dei som etter prøvespill har passert nålauget, og som vil demonstrere det høge nivået blant unge norske musikkutøvarar. Unge Talentar har gjennom åra utvikla seg til ein av Noregs mest velrenommerte og prestisjefylte konsertar i sitt slag. For mange har den tradisjonsrike konserten vore eit springbrett for ein profesjonell karriere. Det er vanlegvis eit broket og flott program talentane byr på med populær musikk av kjende komponistar, skriv orkesteret på nettsida si.
English
Utskriftsversjon