Vellykka norsk–fransk konsertsamarbeid i Lille

Andreas Sønning hadde sett saman programmet. Kjell Tore Innervik spelte til fransk resitasjon av Munch-tekstar. Ivar Anton Waagaard og Aage Kvalbein.

Frå den norske ambassaden i Paris saman med Palais des Beaux Arts de Lille fikk førstelektor i musikkformidling på Musikkhøgskolen Andreas Sønning i oppdrag å spele og produsere eit program for avslutninga av ei stor utstilling med 105 arbeid av skandinavisk og finsk bildekunst frå 1870 -1914. 

Sønning og Kjell Tore Innervik samarbeider ved Musikkhøgskolen om å knytte FOU målsetjingar til konkrete eksterne produksjonar. Dette gjeld drøfting av funksjon og målsetting, innhaldsval og dokumentasjon av scenisk gjennomføring. Konserten i Lille var eit første prosjekt i dette arbeidet. Med frå NMH var i tillegg Aage Kvalbein og Ivar Anton Waagaard. Frå Frankrike deltok Pierre Bleuse (konsertmeister i Toulouse kammerorkester, dirigent og solist) og den fransk-brasilianske sopranen Luanda Siqueira.

Tema var ideala frå perioden

Det musikalske programmet var hovudsakeleg norsk–fransk og tok tematisk utgangspunkt i ideal frå perioden for utstillinga. Utstillinga hadde ei rekkje verk skapt av norske malarar under opphald i Frankrike. Fleire av bilda frå dei fremste bildekunstnarane våre er ikkje kjende fordi dei har vore i fransk eie. Perioden med såkalla gullaldermaleri frå den romantiske perioden førast fram til nyare stilistiske uttrykk med Edvard Munch.

I tillegg til ferdigskrive musikalske verk, danna eit utval av tekstar frå Edvard Munch frå 1888 – 89 grunnlag for eit nytt verk for glasinstrument kor Kjell Tore Innervik spelte til resitasjon på fransk.

- Inspirerande

- Det har vore inspirerande å arbeide med ein konkret kontekstuell ramme som denne utstillinga var. Kombinasjonen av tradisjonsrike verk og openheit for nye uttrykk som glasstykket og Xennakis` Rebons for slagverk i same konsert, er ikkje like vanlig i det Franke konsertliv og blei godt mottatt, fortel Andreas Sønning.