Andreas Grønneberg fekk Shellprisen

Mens Andreas Grønneberg gjekk på diplomstudiet med Torbjörn Kvist som lærar, var han også stipendiat i Oslo-Filharmonien. Han har vikariert i dei fleste militærorkester i Noreg og vore solist med m.a. Kringkastingsorkesteret og Forsvarets Stabsmusikkorps. Han er no fast tilsett i Forsvarets Stabsmusikkorps og blir framleis leigd inn til Oslo-Filharmonien. 

Andreas, som er 27 år og frå Sandnes tok sin bachelorutdanning i musikk ved Konservatoriet i Stavanger – no Universitetet i Stavanger. Han fortel at han vil nytte prisen til vidare studier med to av verdas mest profilerte tubaistar, Jens Bjørn Larsen i Hannover og Rex Martin i Chicago. I tillegg til prisen vil Shell gi Andreas Grønneberg moglegheit til å få laga ein presentasjons-CD til å bruke i den internasjonale musikkmarknaden. Prisvinnarkonsert blir halden i Sandnes kulturhus søndag 18. oktober klokka 18.00. Her vil publikum også få utdelt ein nyinnspela CD med årets prisvinner.

Shellprisen er eit samarbeid mellom A/S Norske Shell og Institutt for musikk og dans ved Universitetet i Stavanger.