Publisert: 12. January 2012
Seks unge artistar er plukka ut til semifinalespel i konkurransen INTRO-folk 2012. Alle er studentar eller tidlegare studentar på Musikkhøgskolen.
 Vrang består av Tuva Færden, Jon Hjellum Brodal og Maja Gravermoen Toresen - alle tre bachelorstudenter ved Musikkhøgskolen.
 Mari Skeie Ljones tok mastereksamen i folkemusikk på Musikkhøgskolen i 2010. |
Artistane er Andreas Bjørkås, Jo Einar Tobias Sterten Jansen, duoen Bjørn Kåre og Mads Erik Odde, Erlend Viken, Mari Skeie Ljones (bildet) og trioen Vrang.
Lanseringshjelp
INTRO-folk - årets unge folkemusikarar er eit lanseringsprogram for unge folkemusikarar, der det overordna målet er å styrkje norsk og samisk folkemusikk. INTRO-folk kårar ”Årets unge folkemusikarar” i løpet av sommaren 2012.
Vinnaren blir lansert i 2012 og 2013 gjennom konsertar i regi av Rikskonsertene.
Jury
Juryen som har plukka ut artistane har vore Matias Hilmar Iversen (juryleiar), Anne Hytta og Åsmund Nordstoga.
Ein arena for utvikling
Rikskonsertene skriv på sin hjemmeside: Med INTRO-folk vil ein skape ein arena der utvalde unge folkemusikarar får utvikle seg som kunstnarar og får røynsle i formidling av folkemusikk på eit høgt nivå. Gjennom semifinalar, finale og lansering på førande festivalar kan eit breitt publikum verte betre kjende med dei som musikkutøvarar.
English
Utskriftsversjon