Mykje om musikk og helse i media!

Saker om musikkterapi og om musikk og helse ser ut til å vere i vinden og får mange oppslag i media både nasjonalt og internasjonalt.

Korsong for betre helse

Syng i kor - det gjer godt for kropp og sjel. Fleire studie viser no til mange positive helse verknader av det å synge i kor. Dette er også tema når Even Ruud møtte opp i NRK ein morgon i mars for å bli intervjua til P2-programmet Mozart og Madonna. Ruud haldt også foredrag om korsong og helse nyleg. Dette er omtala i lokalavisa Romerikes blad under artikkelen Helse i hver tone.  Ansvarleg for arrangementet var Skjetten Dur & Moll. 

Musikkterapi mot tinnitus

På nasjonalt plan dreiar det seg t.d. om musikkterapi mot tinnitus. Hjelpa kan vere nærmare enn ein trur.  Tyske forskarar melder nemleg at tinnituspasientar kan ha positiv effekt av å lytte til musikk. For ved å lytte til individuelt tilpassa musikk kan pasientane oppleve å bli betre der dei plagsomme frekvensane er borte. Les meir om denne saka musikk som terapi mot tinnitus.

Ungdomar står fram i revy og syng mot einsemd 

Ei anna sak gjeld arbeid med song mot einsemd, ein prosess som foregår med rettleiing av bl.a. musikkterapeut. Bergens Tidene fortel om korleis barnevernbsbarn i eit arbeid mot ein haustrevy brukar song aktivt for å dempe opplevinga av einsemd. "Man er mye ensom som fosterbarn. Vi synger om hvordan det er å være i fosterhjem, og vi bryter ned fordommer, tror jeg," sier Sabrina Reeves. Les meir om  saka song mot einsemd. Revyen er også omtalt i TV. Du kan sjå klipp fra TV-programmet Faktor på Nrk  her. 

Syng og lær - og få betre helse

På rehabiliteringsenteret Friskgården beskrivast korleis bruk av musikk kan hjelpe og inspirere opptrening og betring av eiga helse. Margaret Heldor, rektor og pedagog fortel om korleis song og aktivitet, bl.a. av gjennom aktiv samarbeid med førsteamanuensis ved Norges musikkhøgskole Tom Næss, skapar nye høve for å betre eiga helse etter at ho opplevde å bli utbrend. Gjennom å jobbe med tekstane til songheftene Syng og lær, fann ho ny energi til eiga helse samtidig som ho var med på å gi skolen eit nytt læringsverkty. Les meir om denne saka syng for betre helse.  (Vil du lese meir om bøkene Syng og lær, klikk syng og lær.)

Musikk og kunst aktivitetar fremjar helse

Internasjonalt har dessutan norsk forsking gjort seg bemerka når det gjeld samanhangen mellom musikk og helse. I den nettbasserte vitskapskjelda Science now (Your source for the latest research news) kan ein lese at norske forskarar kan vise at musikk og kunst fremjar helse.  Det visast bl.a. til ei undersøking gjort i Midt-Noreg. Her heiter det: "If you paint, dance or play a musical instrument -- or just enjoy going to the theatre or to concerts -- it's likely that you feel healthier and are less depressed than people who don't, a survey of nearly 50,000 individuals from all socio-economic backgrounds from a county in mid-Norway shows". Science today referer også til Steinar Krokstad, førsteamanuensis ved NTNU, som fortel at "we in the health services do not always have control over the most effective preventive tools given the range of today's illnesses. We need to increasingly focus on opportunities rather than on risk." Les meir om saka frå Science now.

Ressursorientert perspektiv

Dette perspektivet, som vedrører ei positiv vinkling på menneskets ressursar (framfor problem), slik det beskrivast i bl.a. Science now og dei andre sakene over, harmonerer  for øvrig godt med det som er beskrive om musikk som terapi og helse i antologi 1 og 2 (som lanserast på konferansen "Musikk i psykisk helsearbeid med barn og unge" den 21. januar ved Norges musikkhøgskole) frå i Skriftserien fra Senter for musikk og helse. For å lese meir om innhaldet i antologiane fra Skriftserien fra Senter for musikk og helse, klikk skriftserien. Vil du vite meir om konferansen "Musikk i psykisk helsearbeid med barn og unge" den 21. januar, klikk konferanse.

Karette Stensæth, 5. januar, 2010

(revidert, 4. mars,  2010; 19. mars, 2010)