Publisert: 12. May 2009
“Together we can make a better world” er tema for den engelske versjonen av RagnaRock-songen som er skrive av Tom Næss, musikkterapeut og førstemanuensis ved Norges musikkhøgskole, og som no er lagt ut på web-sidene til World Federation of Music Therapy (WFMT). Organisasjonens president Dr. Petra Kern, seier at dette passar bra som tema for WFMT ettersom dei har eit mål som inneber å “improve the health and well-being of individuals and populations through music interventions worldwide.”
Petra Kern, som er president i den verdsomspennande World Fereation of Music Therapy, la merke til bandet RagnaRock frå Oslo allereie i 2007, då dei spelte konsert på den Europeiske musikkterapi-konferansen I Eindhoven i Nederland. Kern fortel: "RagnaRock was rocking away and filled the hall with joy, happiness, and togetherness. I was impressed by the musicians’ talents, stage presence, and love for what they are doing. Once again, we experienced how music brings us all together no matter of age, ethnicity, or disability."
Bandet RagnaRock er samansett av personar med psykisk utviklingshemming som no går på Aasen voksenopplæringssenter i Oslo. Bandet er ein god gamal kjenning og eit kjært innslag i musikkterapikretsar. Dei har holdt på i mange år, heilt tilbake til tida på Ragna Ringdal dagsenter (derav namnet RagnaRock) på 80-talet. Med i bandet er i tillegg til sjefsmusikkterapeut Tom Næss også musikkterapeut Bjørn Steinmo og musikkarbeidar Heidi Kristoffersen.
Sjå videoen med songen "Together" her.
Viss du vil lese meir om WFMT eller om denne særskilte hendinga klikk her.
Tom Næss og Bjørn Steinmo har gitt ut læremateriell for metoden som er nytta i RagnaRock. Klikk på lenka under for å få tilgang til den reviderte versjonen av heftet (utgitt på Norsk Noteservice) "Pop and rock with colours"
KS, 12.mai, 2009
English
Utskriftsversjon