Publisert: 13. October 2008
I samarbeid med Austnorsk jazzsenter arrangerer Noregs musikkhøgskole seminar for storbandleiarar med den danske saksofonisten og komponisten Lars Møller laurdag 18. og søndag 19.oktober 2008. Seminaret er for alle som ønskjer å lære meir om storbandleiing og innstuderingsteknikkar.
Det blir satt saman eit prosjektband med musikarar frå Oslo og omegn. Lars Møller vil undervise, samtale og rettleie storbandleiarar i kunsten å leie eit storband. Møller vil dele erfaringar og innsikt frå sitt eige virke som komponist og bandleiar, og han vil ta for seg musikalske og interpretasjonsmessige utfordringar som ofte oppstår i storband og store jazzensemble. Deltakarane vil jobbe med prosjektbandet under rettleiing av Lars Møller.
Danske Lars Møller er saksofonist, komponist, dirigent og bandleiar. Han har utdanning frå New School i New York, kor han studerte direksjon og storband-komposisjon. I tillegg har han og studert klassisk indisk musikk i New Delhi. Det siste året har Møller vært komponist og bandleiar for EBU/European Youth Big Band, i tillegg til at han er musikalsk leiar for både The Orchestra (København) og Brazilian-Scandinavian Jazz Orchestra (Sao Paolo/København). Som saksofonist har han spilt med ei lang rekkje internasjonale musikarar og han står bak ei rekkje CD-utgivingar både med storband og med mindre ensemble.
Les meir på Lars Møllers eigen nettside.
Seminaret er gratis for studentar frå Musikkhøgskolen.
Program
Laurdag 18. oktober
Kl 10.00 – 12.00: Innleing v/Lars Møller
Kl 12.00 – 13.00: Lunsj/Get-in prosjektbandet
Kl 13.00 – 18.00 Undervisning og innstudering med prosjektbandet
Kl 19.30: Middag
Søndag 19. oktober
Kl 10.00 – 12.00: Oppsummering/problemløysing
Kl 12.00 – 13.00: Lunsj/Get-in prosjektbandet
Kl 13.00 – 16.00: Undervisning og innstudering med prosjektbandet
Kl 16.00 – 16.30: Oppsummering/avslutning
Ansvarleg på Musikkhøgskolen er Morten Halle.
Sjå også nettsida til Austnorsk jazzsenter.
English
Utskriftsversjon